فجر جديد للحضانات (اول موقع تعليمي متخصص يهدف الي النهوض بالمستوي الفكري والتعليمي لدي المعلم والاباء والابناء باساليب حديثة وجديدة ويهتم اهتمام خاص باهم مرحلة عمرية لدي الانسان وهي مرحلة الحضانة)

الأحد، 25 يناير 2015

التنوين بالضم معانا اكيد اسهل بكتير

التنوين بالضم معانا اكيد اسهل بكتير
وزي ما عرفنا ياولاد ان التنوين تنوين بالفتح وتنوين بالكسر وتنوين بالضم النهارده هناخد التنوين بالضم  وهو نون ساكنه تلحق اخر الاسم لفظا وليس خطا 
القاعده
أ  ٌ ب ٌ تٌ ثٌ جٌ حٌ خٌ
دٌ ذٌ رٌ ز ٌ سٌ شٌ صٌ
ضٌ طٌ ظٌ عٌ غٌ فٌ قٌ
كٌ لٌ مٌ نٌ وٌ هٌ يٌ
وندرب الطفل غلي القاعده اكتب مثلا  رٌ واحط نقطه تبقي ز ٌ وهكذا مع باقي الحروف 
وادرب الطفل علي قراءه الكلمات بتنوين الضم
وايضا قراءه الجمل التي بها التنوين بالضم
لوعايزه تتعرفي علي التنوين بالفتح والتنوين بالكسر
 اضغطي هنا


علمي طفلك الاحاديث النبويه وخليه يتعايش معاها

علمي طفلك الاحاديث النبويه وخليه يتعايش معاها

يجب تعليم الطفل الاحاديث النبويه وربط الطفل بسنه نبينا محمد وذلك من خلال تعليمه الاحاديث النبويه فاليكي بعض الاحاديث 
 القصيره والتي يسهل حفظها
قال رسول الله صلي الله عليه وسلم
1-(من لا يرحم الناس لا يرحمه الله)
نتعلم منه
ان نكون رحماء بمن حولنا مثل الرحمه بالحيوان وعدم ايذاءه لكي يرحمنا الله
2-(اتقوا النار ولو بشق تمره)
نتعلم منه
انه احنا ياولاد لازم نطلع صدقه ولوبالقليل ولو شق تمره
3-(خيركم من تعلم القران وعلمه)
نتعلم منه
فضل ان احنا نتعلم القران ونعلمه لغيرنا ولإخواتنا 
4_(إماطه الاذي عن الطريق صدقه)
نتعلم منه 
اني انا ياولاد اول ماشوف حاجه في الطريق ممكن تؤذي حد ابعدها علي طول وكده اكون عملت صدقه
5-( لاطاعه لمخلوق في معصيه الخالق)
نتعلم منه
يعني ياولا د لوواحد صاحبي قالي اعمل حاجه تزعل مني ربنا اقوله لا صح مش علشان صاحبي اعمل حاجه وحشه


الجمعة، 23 يناير 2015

التنوين بالكسر سهل اكيد بص وشوف المفيد

التنوين بالكسر سهل اكيد بص وشوف المفيد

زي ما عرفنا قبل كده ان التنوين هو نون ساكنه تلحق اخر الاسم لفظا وليس خطا
طيب التنوين بالكسر عامل اازاي 
هو كسرتين فوق بعض
وزي ما عرفنا انه ينطق نون ولكن لاتكتب 
 بس هنا التنوين مش عايز حاجه تسنده هو قاعد تحت ومش ها يوقع 
يعني ما بيجيش معاه الف 
 ويجب تدريب الطفل علي قراءه التنوين بالكسر يعني
 مثلا
نكتب ب ٍ ونشيل النقطه ونحط نقطتين فوق تبقي  تٍ  طيب لونقطه واحده تبقي ن ٍ طيب لو ثلاث نقط  ثٍ وبغد ان ادرك الطفل معني التنوين نعطي له القاعده
القاعده

إ ٍ ب ٍ ت ٍث ٍ ج ٍ ح ٍ خ ٍ

د ٍ ذ ٍ ر ٍ ز ٍ س ٍ ش ٍ ص ٍ
ض ٍ ط ٍظ ٍ غ ٍ ف ٍق ٍ
ك ٍل ٍم  ٍ و ٍ ه ٍ ي ٍ
ثم يتم تدريب الطفل علي الكلمات والجمل بالتنوين
والسلام عليكم ورحمه الله وبركاته

اسهل من كده مفيش لشرح التنوين اكيد ما تلاقيش

اسهل من كده مفيش لشرح التنوين اكيد ما تلاقيش
بسم الله والصلاه والسلام علي رسول الله 
 
النهارده هناخد ايه التنوين  
طيب يعني ايه تنوين *هو نون ساكنه تلحق اخر الاسم لفظا وليس خطا *
يعني ايه الكلام ده يعني انا باقول النون دي بس ما اكتبهاش
مثلا
يعن انا اقول 
بَنْ  طيب بتكتب ازاي  تكتب كده  بً
يعني اقولها ومااكتبهاش
بس في حاجه عارفين ايه هيا لازم يجيي بعده( الف )لان لوسبنا التنوين كده ممكن يقعوا لازم نحطلوا حاجه تسنده وتبقي كده بًا 
بس في اوقات محطش الف
 في ايه حد عارف
 انا هقولكوا
همزه قبلها الف  زي ايه      دعاءً
وايه كمان
همزه علي الف
مثل خطأ ً
وايه كمان 
كلمه اخرها تاء مربوطه
مثل درجةً   

ونكتب مثلا حًا طيب نحط نقطه تحت تبقي جًا 
ولوحطينا نقطه فوق تبقي خًا وهكذا مع كل الحروف حتي يتقن الطفل قراءه القاعده بالتنوين
القاعده
ءًا بًا تًا ثًا جًا حًا خًا
دًا ذًا رًا زًا سًا شًا صًا
 ضًا طًا ظًاعًا غًا فًًا
قًا كًا لًا مًا نًا وًا هًا يًا
وبعد كده ادرب الطفل علي قراءه الكلمات والجمل التي بها تنوين
والسلام عليكم ورحمه الله وبركاته

الشرح الوفير لحرف cللاطفال في الانجليزيه

الشرح الوفير لحرف ( c ) للاطفال في الانجليزيه

السلام عليكم ورحمه الله وبركاته 
اولا يجب تشويق الطفل للدرس قبل عرضه علي الطفل كالاتي
أبنائي الاعزاء
انا عارفه انتوا ممتازين وكل حاجه بتعرفوها بسرعه ومفيش حاجه صعبه عليكوا علشان كده هناخد النهارده حرف سهل وممتع بالنسبه ليكم هو
هو
هو
هو
حرفc
يلا قولوا معايا     

c
ccccccc  c c
ثم نقوم بكتابه الحرف علي السبوره مع شرح طريقه كتابته ثم سوال بعض الاطفال عن الحرف للتاكد من الاطفال عرفوا اسم الحرف وشكل الحرف
ثم نقوم بمراجعه علي الحروف السابقه يعني اول حرف خدناه كان ايه  وكان شكله ايه aA
Bb وثالث حرف مين هيقول احسنتم  هو C
Aa    Bb    Cc
 (سبحان الله وبحمده سبحان الله العظيم  )

الخميس، 22 يناير 2015

اناشيد حلوه لتمهيدي الحضانات

اناشيد حلوه لتمهيدي الحضانات
بندق
بندق بندق اخر شقاوه
 ماما تنضف يرمي زباله 
عيب يابندق في الصندوق 
 دي النظافه من الايمان 
والقذاره من الشيطان
 قلبي عامر بالايمان
بسم الله
بسم الله     بسم الله  *****        أحلي كلام اتعلمناه
قبل ما ناكل قبل مانشرب **** لازم لازم بسم الله
قبل ما نقرا فبل ما نكتب **** لازم لازم بسم الله
قبل ما نجري قبل ما نلعب****لازم لازم بسم الله
بسم الله     بسم الله  *****        أحلي كلام اتعلمناه

 الكتكوت الصغير 
 ياكتكوت ياصغير
 مالك كده متحير 
مين طلعلك ريشك
 يمكن بابا لالالالا 
يمكن ماما لالالالا
 امال مين 
هو رب العالمين

 العصفوره 
 العصفوره جمعت قش *** قشه وقشه بنت العش 
عشها عالى عند الشجره *** يعلو يعلو عند القمر
 من عرفها مكان القش *** من علمها تبنى العش 
هو الله هو الله *** سبحان الله سبحان الله

 الحضانه حلوه
 الحضانه حلوه***بتعلمنا غنوه
 شمر أيدك شمر***أبنى معايا وعمر
 إبنى مسجد عالى ***هو أملنا الغالى 
وإحنا ياهنانا***أطفال الحضانه 
الميس بتوصينا***نحب بعضينا
 خروفى 
خروفى ياخروفى***ماء ماء ماء
 يلابس بدله صوفى***ماء ماء ماء
 ليك قرنين***وأربع رجلين 
تاكل كتير***وتبقى تخين
 وندبحوك ***فى العيد الكبير

الجمعة، 2 يناير 2015

انتبهي سيدتي اذا كان طفلك خجول وتعلمي معي كيفيه مواجه هذه المشكله

انتبهي سيدتي اذا كان طفلك خجول وتعلمي معي كيفيه مواجه هذه المشكله 


اجتماغي بطبغه وانعزال فالانسان الطفل عن العالم المحيط به يعني ان هناك مشكله 


فقد علمنا رسول الله صلي الله عليه وسلم وحث علينا من ضروره مخالطه الناس فقد قال صلي الله غليه وسلم (المومن الذي يخالط الناس ويصبر علي اذاهم اعظم اجرامن الذي لايخالط الناس ولا يصبر علي أذاهم )رواه احمد والترمذي وابن ماجه
وهنا يظهر دور الاسره في نشر الحب بين الابناء وتحقفيق التواصل مع البيئه المحيطه بالطفل

فالخجل هو
  درجه عاليه من الارتباك والخوف والانكماش يشعر بها الطفل حين يلتقي باشخاص اخرين من خارج محيطه
مظاهر الخجل 
  1. الانسحاب من مواحه الاخرين
  2. الحساسيه الشديده من النقد والتوبيخ
  3. الخشيه من ابداء الراي وطرح الاسئله والخشيه من الاسترسال قي الكلام حتي لايتورط في علاقات جديده
  4. نادرا ان يكون مشاغبا او مصدرا للمشكلات
  5. الابتعاد عن الانشطه التي تطلب الثقه في النفس
  6. وجود صعوبه في طرح المشكله علي المعلمين
  7. عدم التعبير عن احاسيسه ومشاعره الدفينه ويلجا الي الصمت والكبت والعزله
  8. يعجز عن تكوين صدقات جديده
  9. يجد حرجا شديدا في الانفراط في الالعاب الجماعيه
  10. يميل الطفل في الجلوس في الزوايا الميته والتقليل من الكلام
  11. يختار الانشطه الفرديه 
  12. يشغر بحرج وارتباك عندما تتجه الانظار نحوه في المواقف الاجتماغيه ويتلغثم في الكلام ويحمر وجه
  13. الافراط في مشاهده التلفاز
  14. قد يعاني من التعثر قي الدراسه

اسباب الخجل

  • الاقتقار الي الشعور بالامن 
  • ضغف العلاقه بين افراد الاسره لتلبيه الاحتياحات النفسيه
  • التدليل الزائد والنقد الشديد
  • الخجل بسبب الاعاقه تاتاه ومعايره الناس للمعاق
  • التاخر الدراسي مقارنة بمن في سنه نتيجه لخجله 
  • سياسه الاسره المتسلطه في التعامل مع الطفل
  • الجهل بالمهارات الاجتماعيه مثل معرفه طرق اكتساب اصدقاء والاستئذان وافشاء السلام وادب الحديثالكلام الموذي للطفل مثل انت خجول انت فاشل
  • الوراثه وتقليد احد الوالدين

طرق الوقايه والعلاج

  •  معرفه الاسباب والحد منها والسيطره عليها
  • التشيجع علي ممارسه الانشطه الاجتماغيه
  • عدم مقارنته بالاطفال الاخرين بمن هم افضل منه
  • يحتاج الي المدح والثناء والدف العاطفي
  • نجنب الطفل النصيحه العلنيه
  • عدم تكليف الطفل بمهام تفوق قدراته
  • فنح قنوات الحوار مع الوالدين وتشجيع الحوار مع الاخرين
  • تدريب الطفل علي المهارات الحياتيه مثل فن تكوين صداقات
  • روايه الكبار عن في المواقف المحرجه وكيفيه التصرف حين ذاك
  • الترغيب بذكر فضائل الاختلاط
  • تعاون الاسره مع المدرسه لمساعده الطفل المنطوي وعلاج هذه المشكله
  • الدعاء المستمر للابناء
  • حديث النفس الايجابيمثل ابدال الاقكارالسلبيه انا خجول ب انا ساكون اكثر جرأه
  • تحميله للمسوليات
  • تعويده المفاوضه 
  • حثه علي الاشتراك في اللعب الجماعي


Related Posts Plugin for WordPress, Blogger...